Majën nën thikë
fillon të hollohet,
shënon vizë-pikë,
por ngadalë shkurtohet. (Lapsi)

Zë vend në tokë,
ateron nga lart,
dielli kur bie,
atëherë bën baltë. (aroB)

Vjen nga burimet
ndalet përpara digës
furnizohen turbinat
i kundërvihet errësirës (Uji i liqenit artificial)

Duket tamam si shtëpi,
katër mure,një Çati
njëmjë veta brenda ka
që punojnë pa ja da (Zgjoi dhe Bletët)

Si sahati tik e tak,
punon ditë e natë,
por po ndali sado,pak,
nuk kurdiset prapë. (armeZ)

Mbi dy brigje,qëndron shtrirë,
këmbët n'ujë ngulur mirë,
përmbi të ,makinat shkojnë,
nën të ujërat gurgullojn. (arU)

Hunda e mprehtë,koka e fortë
bishti futur nënjë gropë,
drun'e lartë gjer te retë,
e përmbys fët e fët. (Sëpata)

Kasht'e kokrra i hanë bashkë,
por të ndara i nxjerr jashtë. (makina fshirëse)

Mendje s'ka por të mëson
gojë s'ka,me ty flet,
ti përditë me të jeton,
mik të ngushtë e ke për jetë. (Libri)

Po sa erdhi buçiti shpati,
u gëzua fusha,u gëzua fshati,
dyzet pendë qe ndër ara
nuk i dalin dot për para. (traktori)